Búgin Úkimet otyrysynda Densaýlyq saqtaý mınıstri Aqmaral Álnazarova keıingi jeti jylda Qazaqstanda dárigerlerdiń ortasha jalaqysy 2,8 ese óskenin aıtty, dep jazady Egemen.kz.
Medısınalyq saqtandyrý júıesine kóshý qarjylandyrýdy edáýir arttyrýǵa múmkindik bergen. Densaýlyq saqtaý shyǵyndary eki eseden astam jyldam ósip, jylyna orta eseppen 23,8 paıyzdy kórsetken.
Osynyń nátıjesinde medısınaǵa jeke ınvestısııalar tartyldy, dárigerlerdiń ózderi úshin eńbek jaǵdaılary jaqsardy.
«Sońǵy 7 jylda dárigerlerdiń ortasha jalaqysy 159 myń teńgeden 442 myń teńgege deıin ósti. 1 adamǵa arnalǵan medısınalyq shyǵystar 98 myń teńgeden 258 myń teńgege deıin ulǵaıdy. Qarjylandyrýdyń ulǵaıýy medısınalyq kómektiń qoljetimdiligine tikeleı áser etti. Bastapqy deńgeıde kórsetiletin qyzmetter jáne konsýltasııalyq-dıagnostıkalyq qyzmetter sany 2,7 ese ulǵaıdy», dedi Aqmaral Álnazarova.