Taldyqorǵan qalasynda Qazaqstan musylmandary dinı basqarmasynyń uıymdastyrýymen Quran Kárimdi jatqa jáne mánerlep oqýdan HIV respýblıkalyq baıqaýy máresine jetti, dep habarlaıdy Egemen.kz.
80 úmitker qatysqan baıqaýdyń jeńimpazdary men júldegerlerin marapattaý rásimine QMDB tóraǵasy, Bas múftı Naýryzbaı qajy Taǵanuly, saýapty is-sharaǵa demeýshilik jasaǵan Baharıdın Ablazımov, zııaly qaýym ókilderi men qala turǵyndary qatysty.
«Elimizde jyl sanap qarılarymyzdyń qatary artyp keledi. Táýelsizdik alǵan jyldary Quran oqı alatyn adamdarǵa tórden oryn bersek, odan keıin onyń birneshe parasyn jattap alǵan, taǵy bir kezeńde Qurandy tolyq jattaǵan qarılarǵa aıryqsha qurmet kórsetildi. Al búgingi tańda Quran oqýdan ıjazasy bar qarı kórsek, júregimiz eljireıdi. Osy baıqaýdy ótkizýge demeýshi bolǵan Baharıdın Nuǵmanulyna, Danııar Jumabaev qarıymyz bastaǵan ádilqazy múshelerine alǵysymdy bildiremin. Baıqaýǵa qatysqan qarılarymyzdyń bári jeńimpaz atandy dep sanaımyn. О́ıtkeni bul baıqaý árbir qarıǵa úlken jiger syılady. Júldelerińiz qutty bolsyn» dedi Bas múftı marapattaý rásiminde.
Sonymen qazylar alqasynyń sheshimimen Qurandy tolyq jattaý boıynsha 1-oryndy almatylyq Esimbek Arsen ıelenip, avtokólik ıegeri atandy. Ekinshi oryndy Jambyl oblysynan kelgen Hýseı Rasýl, úshinshi oryndy aqmolalyq Yǵylman Muhammed jeńip aldy. Bularǵa jáne 4, 5 oryndardy alǵan qarılarǵa aqshalaı syılyqtar tabystaldy.
Qurannyń 20 parasyn jatqa oqý boıynsha bas júldeni Shymkentten kelgen Muhammadalı Shákirov, 10 parany jatqa oqý boıynsha jergilikti Jetisý oblysynyń qarıy Alaıdar Bekbolat, Qurandy mánerlep oqý boıynsha Atyraý oblysynyń úmitkeri Baltabaı Ulan jeńip aldy.
Sondaı-aq 10 para boıynsha saıysqa túsken eń jas qarı Quralbaı Muhámmád (BQO, 6 jasta) «Kórermen kózaıymy» nomınasııasymen (200 000 tg.) marapattaldy. Jarysqa qatysyp, júlde almaǵan úmitkerlerdiń árqaısyna 70 000 teńgeden berildi.