Qazaqstanda májbúrli medısınalyq sıpattaǵy sharalardy qoldanýdy retteıtin erejelerge engizilgen túzetýler jaqyn arada kúshine enedi. Densaýlyq saqtaý mınıstri buıryqqa qol qoıdy, dep habarlaıdy Egemen.kz.
Jańa talaptarda hımııalyq kastrasııanyń naqty qoldanylý tártibi aıqyndaldy. Erejege sáıkes, bul shara kámeletke tolmaǵandarǵa qatysty jynystyq qylmys jasaǵan, jasy 18-den asqan adamdarǵa ǵana qoldanylady. Ol tek zańdy kúshine engen sot sheshimi negizinde júzege asyrylady.
«Shara jazasyn óteý ornynda nemese ambýlatorııalyq psıhıatrııalyq kómek kórsetetin densaýlyq saqtaý uıymynda iske asyralady», delingen qujatta.
Túrme ákimshiligi sottalýshy bostandyqqa shyqqanǵa deıin 12 aıdan keshiktirmeı materıaldardy sotqa tapsyrýy tıis. Bul qujattar negizinde sot-psıhıatrııalyq saraptama júrgizilip, sottalýshynyń psıhıkalyq jaǵdaıy men jynystyq zorlyqqa beıimdiligi anyqtalady.
Buıryq 2025 jyldyń 17 qazanynan bastap kúshine enedi.