Gazadaǵy soǵys bastalǵanyna eki jyl ótýine baılanysty álemniń ondaǵan elinde Palestınany qoldaý sherýleri ótti. Germanııa, Ulybrıtanııa, Fransııa, Shveısarııa, Túrkııa jáne Latyn Amerıkasy memleketterinde myńdaǵan adam kóshege shyǵyp, beıbitshilik pen ádildik ornaýyn talap etti. Qatysýshylardyń kópshiligi Izraıldiń áskerı áreketterin aıyptap, beıbit turǵyndardy qorǵaýǵa shaqyrdy, dep jazady Egemen.kz.
Birikken Ulttar Uıymynyń Gýmanıtarlyq ister jónindegi úılestirý basqarmasy men Gaza Densaýlyq saqtaý mınıstrliginiń derekterine sáıkes, 2025 jyldyń jazyna deıingi kezeńde Gaza sektorynda 58 myńnan astam adam qaza tapqan, al 1,9 mıllıonǵa jýyq turǵyn birneshe ret qonys aýdarýǵa májbúr bolǵan. Bul – aımaqtaǵy halyqtyń shamamen 90 paıyzy. Qaqtyǵys saldarynan mıllıondaǵan adam baspanasyz qaldy, elektr men aýyzsý tapshylyǵy áli de sheshilmegen kúıde.
Búginde halyqaralyq qaýymdastyq ókilderi atysty toqtatý men gýmanıtarlyq dálizder ashý qajettigin jıi aıtyp keledi. Álem elderiniń astanalarynda ótken sherýler de osy úndeýdi kúsheıtip, beıbitshilikke shaqyrǵan adamzat daýysynyń birigýin kórsetti.