Qasym-Jomart Toqaev ekonomıkalyq damý sapasyn arttyrý jáne baǵa turaqtylyǵyn qamtamasyz etý máseleleri boıynsha keńes ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Jıynǵa Premer-mınıstr, Prezıdent Ákimshiliginiń basshylyǵy, Ulttyq banktiń tóraǵasy, Qarjy naryǵyn retteý jáne damytý agenttiginiń, Strategııalyq josparlaý jáne reformalar agenttiginiń jetekshileri men Úkimet músheleri qatysty.
Keńes barysynda makroekonomıkalyq ornyqtylyqty nyǵaıtý, azamattardyń ál-aýqatyn kóterý jáne ınflıasııa deńgeıin tómendetý sharalary qaraldy.
Prezıdent halyqtyń tabysyn jaqsartýda sannan sapaǵa kóshýdiń mańyzdy ekenin atap ótti.
Qasym-Jomart Toqaev ekonomıkany ornyqty damytý úshin barlyq jaýapty memlekettik organdardyń júıeli jumys isteýi kerek ekenin aıtty.