Qalalyq polısııa qyzmetiniń málimetinshe, oqıǵa 7 qazan kúni saǵat 17:20-da Áýezov aýdanynda bolǵan. Saldarynan 2009 jylǵy jaıaý júrginshi zardap shekken, dep habarlaıdy Egemen.kz.
Áleýmettik jelilerde dál sol jedel járdem brıgadasynyń feldsherleriniń jasóspirimge kómek kórsetip jatqan vıdeosy tarady.
«Naýqas jedel járdem kóligimen № 2 qalalyq balalar klınıkalyq aýrýhanasyna jetkizildi. Neırohırýrg tekserisinen jáne qajetti taldaýlardan keıin «jabyq bas-mı jaraqaty, mıdyń shaıqalýy, bastyń, bettiń jáne sol jaq tize býynynyń jumsaq tinderiniń kógerýi» dıagnozy qoıyldy», dep habarlady Almaty qalalyq qoǵamdyq densaýlyq saqtaý basqarmasy.
Qazirgi tańda oqıǵanyń barlyq mán-jaıy anyqtalyp jatyr.