2025 jylǵy fızıka salasyndaǵy Nobel syılyǵynyń laýreattary bolyp brıtandyq Djon Klark, amerıkalyq Djon M. Martınıs jáne fransýz ǵalymy Mıshel H. Devore atandy. Ǵalymdar bul marapatqa elektr tizbegindegi makroskopııalyq kvanttyq-mehanıkalyq týnneldeý men energııanyń kvanttalýyn ashqany úshin ıe boldy, dep jazady Egemen.kz.
Nobel komıtetiniń baspasóz habarlamasynda atap ótilgendeı, fızıkadaǵy basty suraqtardyń biri – kvanttyq-mehanıkalyq qubylystar baıqalýy múmkin júıeniń eń úlken ólshemi qandaı degen másele. Bıylǵy laýreattar elektr tizbeginde tájirıbe júrgizý arqyly kvanttyq týnneldeý men energııa deńgeıleriniń kvanttalýyn aıqyn kórsete alǵan. Bul júıeniń kóleminiń kishiligi sonshalyq, ony qolmen ustaýǵa bolatyn bolǵan.
Conymen eń joǵarǵy syılyqtyń ıegerleri:
Djon Klark 1942 jyly Kembrıdjde dúnıege kelgen. 1968 jyly Kembrıdj ýnıversıtetinde doktorlyq dárejesin qorǵaǵan. Qazir Kalıfornııa ýnıversıtetiniń (Berklı) professory.
Mıshel H. Devore 1953 jyly Parıjde týǵan. 1982 jyly Parıj-Iýg ýnıversıtetinde doktorlyq dárejesin alyp, búginde Iel ýnıversıtetinde (Nıý-Heıven) jáne Kalıfornııa ýnıversıtetinde (Santa-Barbara) professor qyzmetin atqarady.
Djon M. Martınıs 1958 jyly dúnıege kelgen. 1987 jyly Berklıdegi Kalıfornııa ýnıversıtetinde doktorlyq dárejesin alǵan. Qazir Santa-Barbaradaǵy Kalıfornııa ýnıversıtetiniń professory.