Án óneriniń jaryq juldyzy Bıbigúl Tólegenova ár eki jyl saıyn óz atynda ótip kele jatqan Halyqaralyq vokalıster baıqaýy – jeke atyn shyǵaratyn jarys emes, otandyq opera óneriniń ortaq ıgiligi ekenin aıtýdan tanbaı keledi.
Ázirge bul baıqaý Ortalyq Azııadaǵy klassıkalyq ónerdegi jalǵyz joba bolǵandyqtan, Qazaqstandaǵy konkýrs alys ta jaqyn elderdiń kásibı opera men konserttik kameralyq ánshilerin jınap júr. Ádettegideı, bıylǵy baıqaý da joǵary deńgeıde ótti. Klassıkalyq ónerdiń qarlyǵashtary qanat qaqty.
Bıbigúl Tólegenovanyń HIII Halyqaralyq vokalıster baıqaýynda bıylǵy bas júlde Reseıge ketti. Burnaǵy jyly Gran-prıdi bakýlik Mahır Tagızade áketken edi.
Bedeli bıik Halyqaralyq vokalıster konkýrsynyń jeńimpazdary Jambyl atyndaǵy Qazaq memlekettik fılarmo-nııasynda marapattaldy.
Opera óneriniń jeńimpazy ataný úshin Qazaqstan, Armenııa, Reseı, О́zbekstan, Qyrǵyzstan, Mońǵolııa, Italııa, Ýkraınadan oryndaýshylar talant jarystyrdy. Aqtyq synǵa ótken 17 ánshiniń ónerin álemdik opera maıtalmandarynan quralǵan halyqaralyq qazylar alqasy baǵalady.
Opera merekesi ispetti baıqaýda qazylar alqasynyń tóraıymy KSRO men Qazaqstannyń halyq ártisi, Sosıalıstik Eńbek Eri Bıbigúl Ahmetqyzy Tólegenova uıymdastyrýshylarǵa, demeýshiler men barsha qatysýshylarǵa shynaıy alǵysyn bildirip, jeńimpazdyń atyn ózi jarııalady. Bıylǵy bas júldeni (Gran-prı) Máskeýden kelgen Sofıa Sakanııa ıelendi.
Jıyrma jastaǵy ánshi Baqytjan Baıqadamulynyń «Súıgen sáýlem» ánin naqyshyna keltire oryndaýymen kórermender yqylasyna bólendi.
«Básekeniń bási joǵary boldy. Bıbigúl Ahmetqyzy – ańyz adam. Ony óz kózimmen kórýdiń ózi – úlken baqyt. Álbette, oǵan qosa halyqaralyq baıqaýlar orasan tájirıbe, orkestrmen jumys isteý, buryn bilmegen áserler úlken mektepten ótkendeı áser qaldyrdy», dedi Sofıa.
Halyqaralyq opera óneriniń dodasyndaǵy I orynǵa Álıhan Beısekov (Almaty), Ekaterına Svırıdova (Máskeý) men Mýnhtývshın Horolgorav (Ulan-Batyr) laıyqty dep tanyldy.
ALMATY