QOSTANAI. 19 aqpan. Qostanaı oblysynyń ákimi Nuraly Sádýaqasov jurtshylyq ókilderimen kezdesip, Qostanaı oblysynyń 2014 jylǵy áleýmettik-ekonomıkalyq damý qorytyndylary jáne 2015 jylǵa arnalǵan negizgi mindetteri týraly esep berdi. Bul týraly egemen.kz tilshisi habarlady.
Nuraly Sádýaqasov baıandamasynda oblys ekonomıkasynyń negizgi salalary ósimine toqtaldy. Oblys boıynsha ishki jalpy ónim 4 paıyzǵa ulǵaıǵan. Aýyl sharýashylyǵynyń óndiris sektorynda bir jyldyń ishinde et óndirisi 24, sút óndirisin 21, jumyrtqany 29 paıyzǵa ósken. Indýstrııalandyrýdyń 2009-2014 jyldarǵy birinshi kezeńinde oblysta 13 taýarly sút fermasy, asyl tuqymdy 15 reprodýktor sharýashylyǵy, 27 iri bordaqylaý alańy men 6 qus fabrıkasy paıdalanýǵa berildi. О́ńirdiń eksporttyq áleýeti artyp keledi. О́tken jyly ózge elderge bıdaı men unnan basqa 557 tonna et pen et ónimderi jóneltken. Bul 2013 jylmen salystyrǵanda 3,3 ese kóp. Sonymen qatar, sútti eki ese, ósimdik maıyn úsh ese kóp eksporttaǵan.
О́nerkásip oblys ekonomıkasynyń negizgi salasy bolyp tabylady. Obylsta 500 ónerkásip kásipornynda 532,5 mıllıard teńgeniń ónimin shyǵarǵan. Onda 51 myń adam jumys isteıdi. Buls alada sońǵy jyldary burynǵydaı shıkizat óndirý emes, óńdeý kásiporyndary aıaqtan tura bastady. Osy baǵytta sońǵy 4 jylda ınvestjobalar júzege asty. Olar ken shıkizatyna táýeldilikti tómendetýge múmkindik berdi. Eger 2011 jyly óndiris salasynda óńdeý ónerkásibiniń úlesi 29 paıyz bolsa, al ótken jyldyń qorytyndysy boıynsha ol ken óndirisinen 1,5 paıyzǵa asyp túsip, jalpy 89 paıyzdy qurady. Munyń tarıhı mańyz zor. Osylaısha, Qostanaı oblysynda tuńǵysh ret shıkizat óndirýden daıyn ónim óndirisi asyp tústi. Jalpy uqsatý ónerkásibindegi óndiris ósimi 9 paıyzǵa ósti, bul respýblıka boıynsha 2 orynda degen sóz.
Oblys ákimi Nuraly Sádýaqasov ótken jyldyń qorytyndylarymen qatar, ústimizdegi jyly qolǵa alynatyn isterge sholý jasaǵannan keıin zaldan berilgen suraqtarǵa jaýap berdi. Jıynǵa kelgen jurtshylyq ókilderiniń suraqtary sharýashylyq jáne áleýmettik salanyń túrli problemalaryn qozǵady. Oblys ákiminiń esep berý kezdesýine Investısııalar jáne damý mınıstri Áset Isekeshev, Prezıdent ákimshiliginiń memlekettik ınspektory Serik Shapkenov jáne Parlament Senatynyń depýtaty Jeńis Nurǵalıev qatysyp otyrdy.
Názıra Járimbetova.
Derek, sýret: egemen.kz.