Elordadaǵy bir emhananyń dárigeri alty naýqasty múgedektik boıynsha járdemaqy alýǵa kómektesemin dep aldap ketken, dep habarlaıdy Egemen.kz.
Tergeý barysynda anyqtalǵandaı, dáriger óz qyzmetin tikeleı jumys ornynda usynǵan, alaıda onyń mundaı kómek kórsetýge quqyǵy bolmaǵan. Naýqastardy aldap 4 mıllıon teńgeden astam aqsha alyp, ony jeke shyǵyndaryna jumsaǵan.
«Prokýror usynǵan dáleldemelermen aıyptalýshynyń kinási tolyq dáleldendi, qylmystyq quqyq buzýshylyqtar jıyntyǵyn eskere otyryp ol bas bostandyǵynan aıyrý jazasyna sottaldy. Materıaldyq shyǵyn óndirildi», dep habarlady Astana qalasynyń prokýratýrasy.
Úkim zańdy kúshine endi.