Búgin Senat depýtattary «Qazaqstan Úkimeti men Qatar Úkimeti arasyndaǵy Qazaqstan Respýblıkasynan kelgen jumyskerlerdi Qatar Memleketinde jumysqa ornalastyrýdy retteý týraly kelisimdi ratıfıkasııalaý týraly» Zańyn maquldady, dep habarlaıdy Egemen.kz.
https://kaz.inform.kz/news/katarga-zhumiska-bargan-kazakstandiktardin-kukiktari-korgaladi-zan-509914/
Bul kelisimge 2024 jylǵy 14 aqpanda Memleket basshysynyń Qatarǵa sapary barysynda qol qoıylǵan.
Qujat el azamattarynyń Qatarda resmı jumysqa ornalasýyna quqyqtyq negiz jasap, taraptardyń ózara mindettemelerin qarastyrady. Kelisimge qosymsha retinde Qatardaǵy qazaqstandyq jumysshylar úshin úlgilik eńbek sharty bekitilgen.
Úlgili eńbek shartynda Qatar Memleketiniń zańnamasyna sáıkes jumys berýshiniń turǵyn úımen qamtamasyz etý nemese turǵyn úıge ótemaqy tóleý, jumysqa deıin jáne keri qaıtýǵa tegin tasymaldaý nemese kóliktik járdemaqy, medısınalyq qyzmet kórsetý, sondaı-aq jyl saıynǵy eńbek demalysyn qosa alǵanda, jumystyń barlyq jaǵdaılaryn qamtamasyz etý jónindegi mindettemeleri qarastyrylǵan.
Sonymen qatar kelisimniń oryndalýyn úılestirý maqsatynda birlesken komıtet qurylady. Qatar Memleketi osy Kelisimdi 2024 jylǵy 29 qarashada ratıfıkasııalaǵan.