Almaty jylytý maýsymyna oraı «aqyldy» jylý júıesine kóshe bastady. Qazirgi kezde jylý júıesin jańǵyrtýdyń mańyzdy kezeńi aıaqtalýǵa taıap qaldy ári jelilerdi qadaǵalaıtyn sıfrlyq júıe engizilmekshi. Bıylǵy maýsymda jylý jelileri sıfrlyq júıe arqyly basqarylatyn bolady, dep jazady Egemen.kz.
О́ńirlik kommýnıkasııalar qyzmetiniń brıfınginde Energetıka jáne sýmen jabdyqtaý basqarmasynyń basshysy Nurbaqyt Serikbaı «Almaty qalasyn damytý jol kartasy» aıasynda «Almatyteplokommýnenergo» JShS-niń 17 qazandyǵy jóndeldi. Bul – qaladaǵy barlyq nysandardyń shamamen 20%-y. Jóndeý jumystary Túrksib, Medeý, Alataý men Jetisý aýdandarynda júrgizildi. Jobalar aıasynda eskirgen jabdyqtar aýystyrylyp, basqarý júıeleri jańartyldy, jańa deaeratorlar, sorǵylar men akkýmýlıatorlyq baktar ornatyldy, sondaı-aq osy zamanǵy qazandyq ǵımarattary salyndy. «Kásiporyn qazandyqtardy jóndeý, jańartý men qaıta qurý boıynsha kóp jumys istedi. Basty maqsatymyz – qala turǵyndaryn senimdi, qaýipsiz jáne tıimdi jylýmen qamtamasyz etý» dep atap ótti.
Keler jyly jol kartasy aıasynda taǵy 20 qazandyqty jańartý josparlanyp otyrsa, 2030 jylǵa deıin 61 nysan jańǵyrtylmaq. Bul qaladaǵy jylý júıesiniń qýatty únemdeýine múmkindik beredi. Aıtýynsha, «Almatyteplokommýnenergo» JShS nysandarynda qysym men temperatýrany onlaın rejımde baqylaýǵa múmkindik beretin pılottyq joba iske qosylǵan. Bul júıe jylý jelileriniń jaǵdaıyn naqty ýaqyt rejiminde baqylap, oqys jaǵdaıda jedel qımyldaýǵa múmkindik beredi.
Sıfrlyq júıe apattyń aldyn alýǵa yqpal etedi. Júıe temperatýra, qysym men jylý tasymaldaǵyshtyń shyǵynyn tirkep, derekti dıspetcherlik ortalyqqa jiberedi. Osylaısha, aqaýdyń aldyn alýǵa bolady. Jylytý maýsymynda «aqyldy kommýnaldyq júıege» kóshý kezeńinde baryq ınjenerlik jeli biryńǵaı sıfrlyq platformaǵa biriktiriletin bolady.
ALMATY