Tabıǵat tamashasy taýsylǵan ba? Álemniń eń qurǵaq aımaǵy sanalatyn Chılıdegi Atakama shólinde gúl óse bastady.
Ádette munda gúl túgili, shóp te óspeıtin. Tipti jańbyr da jaýmaıtyn. Al bıyl ásem gúlder ár jerde qyltıyp emes, shól dalada jaıqalyp ósip tur. Rasymen, tańǵalmasqa sharań joq. Ǵalymdar bul qubylysty zertteýge kirisip ketti. Andres Bello ýnıversıtetiniń bıotehnologteri ósimdikterdiń osyndaı ortada qalaı tiri qalatynyn anyqtap jatyr. «Atakama – kún eń kóp túsetin, jańbyr sırek jaýatyn aımaq. Mundaı jerde gúldiń ósýi naǵyz ǵajaıyp. Biz osy qubylystyń syryn ashsaq, ystyq pen sý tapshylyǵyna tózimdi ósimdikter ósirýge jol ashamyz», deıdi zerthana jetekshisi Arıel Orelıana.