20 qazannan bastap Qazaqstanda jańa bıznes-ıdeıalardy iske asyrýǵa arnalǵan granttarǵa ótinim qabyldaý bastalady. Granttyń kólemi 1,5 mıllıon teńgeden asady, dep habarlaıdy Egemen.kz Eńbek jáne halyqty áleýmettik qorǵaý mınıstrligine silteme jasap.
Mınıstrliktiń málimetinshe, Qazaqstannyń toǵyz óńirinde 270 grant beriledi: Abaı jáne Ulytaý oblystarynda, Aqmola, Shyǵys Qazaqstan, Qyzylorda, Pavlodar, Soltústik Qazaqstan, Túrkistan oblystarynda jáne Shymkent qalasynda.
«Granttyń mólsheri 400 AEK (2025 jyly – 1 572 800 teńge). Ár qatysýshy grantty tek bir ret ala alady. Granttar qaıtarymsyz negizde beriledi jáne onyń maqsaty – jańa bıznesti bastaý men damytý», delingen mınıstrlik habarlamasynda.
О́tinim berý úshin:
business.enbek.kz portalyna tirkelý qajet;
Grant alý sharttaryna sáıkestigin tekserýden ótý kerek;
Bıznes-jospar úlgisin júktep alyp, toltyryp, portalǵa júkteý qajet;
О́tinim formasyn toltyryp, ESQ kiltimen qol qoıý qajet.
Internetke nemese kompıýterge qoljetimdiligi joq adamdar ótinimdi jumysqa ornalastyrý ortalyqtarynyń ózine-ózi qyzmet kórsetý aımaqtarynda nemese Halyqqa qyzmet kórsetý ortalyqtarynda (HQKO) bere alady.
Grant alýǵa úmitker bola alady:
Jumyssyz retinde tirkelgen tulǵalar;
Jeke kásipkerler (tirkelgen merzimi 3 jyldan aspaǵan).
Sonymen qatar úmitker kelesi áleýmettik sanattardyń birine jatýy tıis:
múgedektigi bar adamdar;
«qandas» mártebesi bar tulǵalar;
óńiraralyq qonys aýdarýshylar;
az qamtylǵan otbasylardyń músheleri;
kóp balaly otbasylardyń músheleri (jubaıy/zaıyby);
múgedektigi bar balany tárbıelep otyrǵan ata-ana (jubaıy/zaıyby);
asyraýshysynan aırylýyna baılanysty járdemaqy alýshylar.
Sondaı-aq úmitkerdiń «Bastaý Bıznes» jobasy boıynsha kásipkerlik negizderi kýrsyn bitirgeni týraly 3 jyldan aspaǵan merzimdegi sertıfıkaty bolýy qajet.
Grant qarajaty myna maqsattarǵa jumsalýy múmkin:Ǵımarat nemese bólme jaldaý aqysy;
Qajetti qural-jabdyqtar men saımandardy satyp alý;
Tehnologııalyq jabdyqtar alý;
Mal, qus jáne janýarlar satyp alý;
Kóshetter, butalar, tuqymdar, rassada alý.
Grant myna maqsattarǵa berilmeıdi:Tutynýshylyq maqsattarǵa;
Nesıeni óteýge;
Turǵyn úı satyp alý nemese salýǵa;
Jer ýchaskelerin alýǵa;
Aksızdeletin ónimder óndirýge.
Granttar eńbek mobıldigi ortalyqtary arqyly, aýdandyq nemese qalalyq komıssııanyń sheshimi negizinde beriledi.
«Úmitkerler óz bıznes-jobasyn komıssııa otyrystarynda tanystyrady. Komıssııa músheleri bıznes-jospardy kelesi krıterııler boıynsha baǵalaıdy: bıznes-ıdeıanyń básekege qabilettiligi, ótkizý naryǵyn taldaý deńgeıi, qarjylyq turaqtylyq, kásipkerlik qabiletter jáne jańa jumys oryndaryn qurý múmkindigi. Osylaısha grant berý týraly sheshim komıssııalyq negizde jáne aıqyn baǵalaý ólshemderi boıynsha qabyldanady», delingen mınıstrlik túsindirmesinde.
Komıssııa sheshimi úmitkerdiń portaldaǵy jeke kabınetine jiberiledi. Eger sheshim oń bolsa, úmitker bank derekterin usynady, shartqa qol qoıady jáne ári qaraı qarajattyń jumsalýy týraly toqsan saıyn esep tapsyrady.
Barlyq rásimder elektrondy formatta, eńbek mobıldigi ortalyqtaryna barýsyz júzege asyrylady.