Bolashaqtyń jasyl ári ekologııalyq qaýipsiz mektep jobasyn tanystyrǵan Aqbota Bazarbaı №29 mekteptiń 9-synyp oqýshysy, dep jazady Egemen.kz.
Onyń jobasy dızaınmen ǵana emes, ekologııalyq jáne fýnksıonaldyq sheshimderimen de nazar aýdartyp otyr. Naqty ataǵanda, úsh qabatty áınek qabyrǵalardan turatyn oqý korpýsy kún energııasymen tolyq qamtylyp, tabıǵı jaryqtyń bólmelerge molynan túsýin qamtamasyz etedi.
Basty ereksheligi tabıǵatpen úılesimdilik, oqýshylar bilim alýmen ǵana shektelmeı, tabıǵatty erkin baqylaýǵa, taza aýada úı tapsyrmalaryn oryndaýǵa múmkindik alady.
Joba ıesi mekteptiń aınalasyn da muqııat oılastyrǵan. Makette aǵashtar, sý burqaqtary jáne jasyl fýtbol alańy da bar. Bul turǵyda balalar densaýlyǵyn nyǵaıtyp ári jaqsy demalýǵa múmkindik alady.
Astana ákimdiginiń resmı saıtynyń málimetinshe jobanyń taǵy bir mańyzdy qyry qoldanylǵan materıaldardyń qaıtalama turmystyq qaldyqtardan jasalýy. Osy arqyly Aqbota Bazarbaı qorshaǵan ortaǵa degen jaýapkershilik pen qaıta óńdeýdiń mańyzyn kórsetti.