Qytaı ǵalymdary kádimgi plastıkten kem túspeıtin ári ekologııalyq taza bambýkten jasalǵan jańa materıal oılap tapty.
Ádette bambýkten jasalǵan buıymdar uzaqqa shydamaıtyn. Onyń ústine bul materıaldar qaıta óńdelmeıtin. Alaıda zertteýshiler osy túıtkildi sheshýdiń jolyn tapty. Olar bambýkten alynǵan sellıýlozany qaýipsiz eritkishte óńdep, ony tyǵyz biriktirip, berik ári ıkemdi plastıkke aınaldyrdy.
Jańa materıaldyń artyqshylyǵy – joǵary beriktik pen ekologııalyq qaýipsizdik. Bambýk plastık topyraqta tolyq ydyraı alady, sonymen qatar bastapqy qasıetiniń 90 paıyzyn saqtap, qaıta óńdeýge yńǵaıly. Mundaı plastık turmystyq buıymdar men qurylys materıaldaryna qoldanylýy yqtımal.