Asfalttaǵy aqaýlardy endi arnaıy qurylǵylarsyz-aq anyqtaýǵa bolady. Germanııanyń Fraýngofer zertteý ınstıtýtynyń ǵalymdary asfalttyń astyna tóseletin erekshe «aqyldy mata» jasap shyǵardy.
Bul jańalyq joldyń jaǵdaıyn úzdiksiz baqylaýǵa múmkindik beredi. Buryn jol sapasyn tekserý úshin úlken aýmaqty qazyp, arnaıy tehnıkany qoldaný qajet edi. Al jańa júıe asfalttyń ózinen aqparat alýǵa negizdelgen. «Aqyldy mata» zyǵyr talshyǵynan toqylyp, onyń arasyna ótkizgish sensor symdary engizilgen. Asfalt tóselgen kezde mata joldyń tómengi qabatyna salynady. Eger jol buzylsa, matadaǵy symdardyń kedergisi ózgeredi. Bul ózgeristi syrtqy baqylaý qurylǵysy tirkep, joldyń naqty qaı bóliginde zaqym baryn kórsetedi. Qazir tehnologııa Germanııa joldarynda synaqtan ótip jatyr.