14 qazanǵa qaraǵan túni 2026 jylǵy fýtboldan álem chempıonatynyń irikteý týrnıri aıasynda Soltústik Makedonııa Qazaqstanmen Skopede oınaıdy, dep habarlaıdy Egemen.kz Sports.kz saıtyna silteme jasap.
Soltústik Makedonııa – Qazaqstan matchynyń tikeleı translıasııasy Qazaqstan ýaqytymen 23:45-te bastalady jáne ony Qazaqstan telearnasynan kórýge bolady.
Alty matchtyń qorytyndysy boıynsha Qazaqstannyń alty upaıy bar jáne J tobynda tórtinshi orynda tur. Sońǵy oıynda qazaqstandyq fýtbolshylar Astanada Lıhtenshteındi 4:0 esebimen jeńdi.
Alty matchtan 12 upaı jınaǵan Soltústik Makedonııa topta kósh bastady. Sońǵy kezdesýinde makedonııalyqtar sensasııalyq nátıjege qol jetkizip, syrt alańda Belgııamen 0:0 esebimen teń tústi.