Shymkentte kókpardan eresekter arasyndaǵy XXIV Qazaqstan birinshiligi máresine jetti. 15 komanda qatysqan básekede Jambyl oblysynyń quramasy úzdik shyqty, dep jazady Egemen.kz.
Elimizdiń túkpir-túpirinen jınalǵan 180 kókparshy komandalarǵa toptasyp, 4 topqa bólinip synǵa tústi.
Ár toptan úzdik shyqqan komandalar jartylaı kezeńge joldama alyp, úzdik shyqqandar fınalda baq synady. Jeti kúnge jalǵasqan básekeniń fınalynda Jambyl oblysynyń «Áýlıeata» komandasy men Shymkent qalasynyń quramasy kezdesti. Tartysty saıysta «Áýlıeata» komandasy óz rekordyn jańartyp, Qazaqstannyń 15 dúrkin chempıony atandy. Sáıkesinshe kúmis júlde shymkenttik kókparshylardyń qanjyǵasyna buıyrsa, úzdik úshtikti Astana qalasynyń kókpar komandasy túıindedi.
Elordalyq qurama úshinshi oryn úshin bolǵan kezdesýde qyzylordalyq kókparshylardy 3: 2 esebimen jeńdi.