23 jastaǵy qala turǵyny Ásel Sabyrbaeva Hadııa, Hafız, Hamza esimdi úshemdi dúnıege ákeldi. Qyzylordalyq kelinshektiń bul alǵash ana atanýy, dep jazady Egemen.kz.
Jas anany Akýsherlik bólim meńgerýshisi Erjanova Arman Imanǵalıqyzy men akýsher-gınekolog Qosnazarova Fatıma Alıasqarqyzy bosandyrǵan. Nárestelerdiń týǵandaǵy salmaǵy qyz bala 1996 gram, er bala 1938 gram, úshinshi er bala 1918 gram bolǵan.
«Júktiliktiń 35 aptasynda merziminen buryn bosandy. Nárestelerdiń týylǵan kezde jaǵdaıy aýyr boldy. Jansaqtaý bólimine alynyp, 2 kún apparatta jatty. О́kpelerin damytý úshin dári berildi. Qazirgi tańda nárestelerdiń jaǵdaılary turaqty, ana sútimen qórektenip, anasymen birge palatada jatyr», dedi jańa týǵan nárestelerdiń reanımasııa jáne patologııa bólimshesiniń meńgerýshisi Indıra Bekjanova.