Elimizdiń dúkenderinde jáne sýpermarketterinde ishimdik satýǵa tyıym salý usynyldy. Mundaı málimdemeni Úkimet saǵatynda Ishki Ister mınıstri Erjan Sadenov jasady, dep habarlaıdy Egemen.kz.
Mınıstrdiń sózinshe, alkogol – eldegi krımınogen jaǵdaıǵa áser etetin negizgi faktorlardyń biri, jyl saıyn mas kúıde 10 myńǵa deıin qylmys jasalady eken.
Ishki Ister mınıstrligi ishimdikti ınternet arqyly satýǵa tolyq tyıym salýdy usyndy. Odan bólek:
-ishimdikti tek arnaıy dúkenderde satý («alkomarketterde»);
-lısenzııa berý erejelerin qatańdatý jáne olardyń sanyn shekteý usynyldy.
«Oıyn-saýyq oryndarynda ishimdik satý ýaqytyn shekteý qajettiligi týyndady. Mundaı nysandarda mas kúıde 1 400-den asa qylmys jasalǵan, onyń ishinde úsheýi – kisi óltirý», dedi IIM basshysy.