Qyzylordada «2024-2028 jyldarǵa arnalǵan qoǵammen áriptestikte qaýipsizdik tujyrymdamasyn iske asyrý jónindegi is-qımyl josparyna» sáıkes «102» arnasy arqyly kelip túsken quqyq buzýshylyq týraly sıgnaldar boıynsha oıyn-saýyq mekemeleriniń qaýipsizdik deńgeıin baǵalaý krıterııleri bekitildi, dep jazady Egemen.kz.
Osyǵan baılanysty "Zań jáne Tártip" qaǵıdatyn iske asyrý aıasynda Qyzylorda polısııa departamenti oblystyń oıyn-saýyq oryndarynan kelip túsken quqyq buzýshylyqtar týraly habarlamalarǵa taldaý júrgizdi. Olardyń basym bóligi «Mak», «Aıbek», «Zolotaıa rybka», «Kıpchachka», «Ergosh», «Elegııa», «Vınnı-Pýh», «Forvest», «Dashosaı» kafeleri men «Dýbaı», «The One» túngi klýbtarynan túskenin anyqtaǵan.
Jyl basynan beri «102» operatorynyń pýltine 273 kóńil kóterý oryndarynan 965 habarlama tússe, 450 ákimshilik hattama rásimdelip, 18 qylmystyq is qozǵalypty.