Tájikstan Energetıka jáne sý resýrstary mınıstriniń birinshi orynbasary Djamshed Shodı Shoımzoda Ortalyq Azııadaǵy sý máselelerin birlesip sheshýge Qazaqstanda sý jáne ırrıgasııa salasyna arnaıy jaýapty mınıstrliktiń qurylýy serpin bergenin aıtty, dep jazady Egemen.kz.
Sarapshynyń aıtýynsha óńir elderiniń birlesken kúsh-jigeri bıylǵy aptap ystyqtyń saldaryn barynsha azaıtýǵa múmkindik berdi, kezdesýler qazir áldeqaıda jıi, ózara baılanys burynǵydan da tyǵyz.
«Sebebi tek birlesip taldaý arqyly ǵana sýdyń tapshylyǵy men qýańshylyqtyń saldaryn azaıtýǵa baǵyttalǵan óńirlik tıimdi sheshimder qabyldaı alamyz. Bıyl biz osy yntymaqtastyqtyń naqty nátıjesin kórsetip, birlese áreket etý arqyly qýańshylyqtyń áserin barynsha azaıttyq», dedi Djamshed Shodı Shoımzoda.