Ulytaý oblysynda «Qazaqmys» kúnine arnalǵan velosherý uıymdastyryldy. Sporttyq sharaǵa óńir turǵyndary, kompanııanyń qyzmetkerleri men velosport áýesqoılardan quralǵan 60-qa jýyq adam qatysty, dep habarlaıdy Egemen.kz.
Velosherý — Qazaqstan velosport federasııasy men «Qazaqmys korporasııasy» arasyndaǵy ózara yntymaqtastyq týraly memorandým aıasynda júzege asqan sporttyq bastamanyń biri.
Velosherý Sátbaev qalasyndaǵy «Ulytau Mall» saýda ortalyǵynyń aldynan bastalyp, Jezqazǵan qalasyndaǵy Alashahan alańynda márege jetti.
Áýesqoı sportshylardy Ulytaý oblysynyń ákimi Dastan Ryspekov, Qazaqstan velosport federasııasynyń atqarýshy dırektory Vıtalıı Mozýrenko jáne «Jezqazǵan taý-ken óndirisi» JShS bas dırektory Asqar Quıqabaev quttyqtady.
Olarǵa belsendilik tanytqany jáne sportqa degen qyzyǵýshylyǵy úshin estelik medaldar tartý etti.
Osyndaı ıgi bastamanyń buqaralyq sportty damytýda, óńir turǵyndary men eńbek ujymdary arasynda salaýatty ómir saltyn nasıhattaýda mańyzy zor.
Ulytaý oblysy