Kópbeıindi oblystyq aýrýhanada Qarmaqshy aýdanynyń turǵyny Saltanat Uzaqbaı salmaǵy 6 keli 500 gramm bolatyn náresteni dúnıege ákeldi, dep habarlaıdy Egemen.kz.
Dárigerler náresteniń reanımasııa jáne patologııa bólimshesinde qosymsha em qabyldaǵanyn aıtty. Qazir anasy men alyp balanyń densaýlyǵy turaqty. Jaqyn kúnderi atasy Qýanyshbek degen esim bergen kishkentaı úıine shyǵady.
Oblystyq kópbeıindi aýrýhanada ótken jyly 70 oryndyq perınataldyq bólim ashylyp, bul baǵytta jumys istep kelgen jalǵyz mekeme perınataldyq ortalyqtyń júktemesin azaıtyp otyr. Al aýrýhananyń akýsherlik bóliminde ashylǵaly beri 3043 náreste dúnıege kelipti. Olardyń 1328-i Jańa týǵan nárestelerdiń reanımasııa jáne patologııa bólimshesinde qosymsha em alǵan.