Aqtóbe oblysynda 13 qazanda Ýıl orta mektebiniń 9-synyp oqýshysy, 14 jastaǵy qyz bala bosandy. Kúdikti qamaýǵa alyndy, dep habarlaıdy Egemen.kz.
Qazirgi ýaqytta ol medısınalyq mekemede jatyr. Belgili bolǵandaı, oqýshy dárigerlerge úsh ret júgingen: alǵash ret 13 naýryz ben 18 naýryz aralyǵynda aýdandyq aýrýhanaǵa barǵan. Keıin 25 mamyrda jazǵy lagerge barý úshin jáne 10 qyrkúıekte ata-anasymen birge tekserýden ótken.
«Erte júktiliktiń belgileri anyqtalǵan joq. Kámeletke tolmaǵan qyzǵa qatysty ózge aqparat ýákiletti organdardyń quzyrynda jáne jarııalaýǵa jatpaıdy», – dedi oblystyq bilim basqarmasynyń baspasóz hatshysy Lıazzat Asabaeva.
Polısııanyń habarlaýynsha, qylmystyq is qozǵaldy. Kúdikti anyqtalyp, qamaýǵa alynǵan. Qazirgi ýaqytta bolǵan oqıǵanyń barlyq mán-jaıyn anyqtaýǵa baǵyttalǵan sotqa deıingi tergeý júrgizilýde.
«Tergeý men prosessýaldyq is-sharalardyń kesheni júrgizilip jatyr. Tergeýdiń barysy oblystyq polısııa departamenti basshylyǵynyń baqylaýynda. Tergeý múddesine baılanysty ózge aqparat jarııalanbaıdy», – dedi Aqtóbe oblysy polısııa departamenti bastyǵynyń orynbasary Bolat Qushqalıev.