Abaı oblysynyń Borodýlıha aýdanynda iz-túzsiz joǵalyp ketken 13 jastaǵy qyz bala Semeı qalasynan tabyldy, dep habarlaıdy Egemen.kz.
Borodýlıhada joǵalǵan qyz balany polıseıler tapty.
Oblystyq Polısııa departamentiniń málimetinshe, 13 qazanda Abaı oblysy Borodýlıha aýdanynyń polısııasyna kámeletke tolmaǵan Arýjan Sarjannyń úıinen belgisiz baǵytqa ketip, sol qalpy oralmaǵany týraly habarlama tústi.
Polısııa qyzmetkerleri birden izdestirý sharalaryna kirisip, qyzdyń júrýi múmkin baǵyttary tekserildi, turǵyndar men týystarynan jaýap alyndy, sondaı-aq barlyq qoljetimdi derekqorlar men baǵdarlar paıdalanyldy.
«Júrgizilgen jumystyń nátıjesinde Arýjan Semeı qalasynan tabyldy. Qyzdyń aıtýynsha, úıden ketýine týystarymen bolǵan janjal sebep bolǵan.
Qazirgi ýaqytta onyń ómiri men densaýlyǵyna eshqandaı qaýip tónip turǵan joq. Qyz týystaryna tapsyryldy», – delingen oblystyq Polısııa departamentiniń habarlamasynda.