Bıylǵy ekonomıka salasyndaǵy Nobel syılyǵy ınnovasııalyq ekonomıkalyq ósý jolyn túsindirgen ǵalymdarǵa berildi. Júldeniń jartysy AQSh-taǵy Soltústik-Batys ýnıversıtetiniń qyzmetkeri Djoel Mokırge buıyrdy. Al qalǵan jartysyn Frans kolledjiniń qyzmetkeri Fılıpp Agıon men London ekonomıka mektebiniń qyzmetkeri Pıter Hoýıtt bólisti.
Ǵalymdar ınnovasııanyń odan ári ilgerileýge qalaı serpin beretinin túsindirdi. Shvesııa Ǵylym akademııasy óz málimdemesinde:
«Sońǵy eki ǵasyrda adamzat tarıhta alǵash ret turaqty ekonomıkalyq ósim kezeńin bastan ótkerdi. Bul mıllıondaǵan adamnyń kedeılikten shyǵýyna jol ashyp, qazirgi órkendeýdiń berik irgetasyn qalady», dep atap ótti.