Úkimet osy maqsatqa Arnaýly memlekettik qordan 480 mln teńge bóldi. Qarjyǵa Jetisý oblysyndaǵy sýmen jabdyqtaý júıeleri jańǵyrtylyp, qurylys jumystary júrgiziledi, dep jazady Egemen.kz.
Joba boıynsha Alakól aýdanynyń Qońyr aýylynda uzyndyǵy 17 shaqyrym sý jelisin tartý jáne Qaratal aýdanynyń Umtyl aýylynda 4,8 shaqyrym sý jelisin júrgizý josparlanǵan. Nátıjesinde, myńnan astam aýyl turǵyny aýyz sýmen qamtylady.
Bıyl Jetisý oblysynda sýmen jabdyqtaý júıesin jańǵyrtý jáne salý boıynsha 18 joba júzege asyrylyp jatyr. 2025 jyldyń sońyna qaraı óńirdegi ortalyqtandyrylǵan aýyz sýmen qamtylǵan aýyldardyń úlesin 99,9%-ǵa deıin jetkizý kózdelgen. Bul óńirdegi 329 aýyl men shamamen 697 myń oblys turǵynyn qamtıdy.