Paralımpıada oıyndarynyń eki dúrkin jeńimpazy Davıd Degtıarev 14 qazanda 54 kg deıingi salmaqta úsh tásildiń qosyndysy boıynsha 567 kg ziltemirdi kóterip, álem chempıony atandy. Ol úshinshi talpynysynda 191 kg kóterip, Azııa rekordyn ornatty, dep habarlaıdy Egemen.kz.
Atalǵan jahandyq dodada sondaı-aq 50 kg salmaqta Farıza Toljan (285 kg) jáne 73 kg deıingi salmaq boıynsha Raýshan Qoıshybaeva (330 kg) altyn medal ıelendi. Al 88 kg salmaq dárejesindegi Rahmetjan Hamaev úsh tásildiń qosyndysy boıynsha 592 kg nátıjemen kúmis medal jeńip aldy.
Para paýerlıftıngten Álem chempıonaty Kaırde (Mysyr) 11 qazanda bastalǵan, 18 qazanda aıaqtalady. Jarysqa 70 elden 550 sportshy qatysyp jatyr.