Qazaqstan men Germanııa arasyndaǵy mádenı baılanystar ózara túsinistik pen senimdi arttyrýda mańyzdy ról atqaryp keledi. Osy yntymaqtastyqty odan ári damytý jáne qazaq halqynyń baı mádenı murasyn Eýropada keńinen dáripteý maqsatynda Qazaqstan Respýblıkasynyń Elshiligi Saarbrıýkken qalasynda mádenı is-sharalar uıymdastyrdy, dep habarlaıdy Egemen.kz.
Jambyl oblystyq fılarmonııasynyń aqparaty boıynsha, osy bastama aıasynda 2025 jyldyń 14 qazanynda Kenen Ázirbaev atyndaǵy Jambyl oblystyq fılarmonııasy «Qazaqstan – qutty mekenim» atty konserttik baǵdarlamasyn usyndy. Bul kesh kórermenderge ulttyq ónerdiń ereksheligi men rýhanı baılyǵyn tanystyryp, qazaqstandyq mádenıettiń halyqaralyq deńgeıdegi bedelin arttyrýǵa úles qosty.
О́nerpazdardyń Germanııadaǵy saparyna Jambyl oblysy ákimdigi tarapynan qoldaý kórsetildi. Konsertte fılarmonııanyń úzdik oryndaýshylary óner kórsetti:
«Qazaq eli» ansambli (jetekshisi – mádenıet salasynyń úzdigi Dýlat Baızıldaev); Mádenıet salasynyń úzdigi, ánshi Jandos Omarov; Bas dombyrashy Naýryzhan Abdrahmanov; Jetigenshi Aıman Shermetova; Prıma qobyzshy Mádına Baızıldaeva; Oryndaýshy Raýan Ablkasov; Ánshi Dınara Dıhanbaeva.