Qazaq Air (Vietjet Qazaqstan) áýe kompanııasy Astanadan Bishkek pen Samarqandtqa tikeleı eki jańa halyqaralyq baǵyt ashyp jatyr. Ortalyq Azııadaǵy baǵyttaryn keńeıtý bastamasy QR Prezıdentiniń túrki elderi arasyndaǵy baılanystardy damytý arqyly týrızmdi, saýdany, bilim berý men mádenı yntymaqtastyqty kúsheıtý jónindegi strategııalyq bastamasymen úndes keledi, dep habarlaıdy Egemen.kz.
Kólik mınıstrliginiń málimetinshe bıylǵy 7 qarashadan bastap Astana – Samarqand – Astana baǵyty boıynsha (aptasyna 2 ret – juma jáne jeksenbi), al 10 qarashadan bastap Astana – Bishkek – Astana (aptasyna 2 ret – dúısenbi jáne beısenbi) baǵyty boıynsha tikeleı reıster oryndalady.
Astanadaǵy hab arqyly áýe kompanııasy jolaýshylarǵa Bishkekke, Samarqandqa, Ombyǵa, Novosibirge, sondaı-aq Qazaqstannyń túrli óńirlerine yńǵaıly reısterdi usynady.
Jańa áýe baǵyttar aımaqtyń iskerlik, týrıstik jáne mádenı baılanystaryn damytýǵa múmkindik beretin bolady.