Búgin Astanada Qurlyqtyq hokkeı lıgasynyń kezekti týry aıasynda «Barys» pen «Avangard» komandalarynyń tartysty oıyny ótedi. Oıyn elorda ýaqytymen saǵat 19:30-da bastalyp, «Qazsport» telearnasynan tikeleı efırde kórsetiledi, dep habarlaıdy Egemen.kz.
Sońǵy bes kezdesýdiń tórteýinde elordalyq klýb ombylyq qarsylasynan jeńilgen edi.
Týrnırlik kestede qazirgi tańda «Barys» 14 upaımen 16-orynda, al «Avangard» 22 upaımen ekinshi satyda keledi.
«Barys» osy kezdesýden keıin de óz aıdynynda óner kórsetýdi jalǵastyrady. 18 qazanda komanda Qazannyń «Ak Bars» klýbyn qabyldasa, 24 qazanda «Amýr» (Habarovsk) komandasyna qarsy oınaıdy.