Astana qalasy Almaty aýdanynyń prokýratýrasy densaýlyq saqtaý uıymdaryndaǵy tekseris barysynda medısına qyzmetkerleriniń eńbekaqysy men áleýmettik tólemderi ýaqytyly berilmegenin anyqtady. Nátıjesinde 90 mıllıon teńgeden asatyn bereshek ótelip, aq halattylardyń quqyqtary qorǵalǵan, dep habarlaıdy Egemen.kz.
«Medısına qyzmetkerlerine jalpy somasy 90 mln teńgeden asatyn mindetti zeınetaqy jáne áleýmettik aýdarymdar, sondaı-aq 15 mln teńgeden astam yntalandyrý syıaqylary tólenbegeni anyqtaldy», dep habarlady qalalyq prokýratýranyń baspasóz qyzmeti,
Prokýratýra aralasqannan keıin bereshek tolyq kólemde ótelip, aq halatty abzal jandardyń eńbegi laıyqty baǵasyn tapqan. Sonymen qatar, zańbuzýshylyqqa jol bergen laýazymdy tulǵa tártiptik jaýapkershilikke tartyldy.