Soltústik Qazaqstan oblysynda «Nelegal» jedel-profılaktıkalyq is-sharasy ótkizilip jatyr. Is-shara aıasynda kóshi-qon zańnamasyn buzýdyń 200-ge jýyq deregi anyqtaldy, dep jazady Egemen.kz.
120 sheteldik Qazaqstan Respýblıkasynda bolý erejelerin buzǵany úshin ákimshilik jaýapkershilikke tartyldy, 9 jumys berýshi sheteldik jumys kúshin zańsyz paıdalanǵan dep habarlaıdy Egemen kz.
Qazan aıynyń basynda Soltústik Qazaqstan oblysynyń Reseımen shekaralas aımaǵynda Ýálıhanov aýdanynyń bir turǵyny dalada kezdestirgen kúdikti sheteldikter týraly polısııaǵa habarlaǵan. Polıseıler UQK shekara qyzmetiniń áskerı qyzmetshilerimen birlesip, sheteldikterdi ustap, mán-jaıdy anyqtady. Tekserý barysynda olardyń Marokko Koroldiginiń azamattary ekeni belgili boldy. Buǵan deıin olar Shyǵys Qazaqstan oblysynyń Shemonaıha aýdandyq sotynyń sheshimimen memlekettik shekarany buzǵany úshin elden shyǵarylǵan. Alaıda olar bul talapty oryndamaǵan. Polıseıler quqyq buzýshylardy oblys ortalyǵyna jetkizip, olardy kúshtep shyǵaryp jiberý sharasyn qamtamasyz etti.
Soltústik Qazaqstan oblysy