18-19 qazan kúnderi «Qazanat» ıppodromynyń avtoturaǵynda (Qarqaraly tasjoly, 1) Soltústik Qazaqstan jáne Pavlodar oblystarynan kelgen kásipkerler óz taýarlaryn usynady, dep jazady Egemen.kz.
Jármeńkede 1 300 tonnadan astam ekologııalyq taza ónimder saýdalanady. Et, shujyq jáne konservi ónimderi, sút jáne sút ónimderi, ulttyq sýsyndar, balyq pen bal ónimderi, un, makaron jáne kondıterlik ónimder, kókónis, kartop, baqsha daqyldary jáne basqa da taǵam túrlerine qoljetimi baǵa belgilenedi.
Jármeńkege Pavlodar oblysynyń iri kásiporyndary men sharýa qojalyqtary – «Pobeda» JShS, «Galıskoe» JShS, «Tabys» ShQ, «BEST MILK» JShS, «EKO DOM» JShS, «KEMMI» JShS, «Mıaskom» JShS qatysady.
Soltústik Qazaqstan oblysynan et, sút jáne kondıterlik ónim óndirýge mamandanǵan 110-nan astam kásiporyn óz ónimderin ákeledi.
Jármeńke ótetin orynǵa №18, №37 jáne №303 baǵytyndaǵy avtobýstar qatynaıdy.