Prezıdenttiń keńesshisi Málik Otarbaev Soltústik Qazaqstan oblysynda oblys ákimi Ǵaýez Nurmuhametovtyń jáne basqa basshylar, aýdan ákimderi, sala jetekshileri, BAQ ókilderiniń qatysýymen Memleket Basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Qazaqstan halqyna Joldaýyn talqylaǵan májilis ótkizdi, dep habarlaıdy Egemen.kz.
Prezıdenttiń keńesshisi aýyldyq aımaqtardyń damý perspektıvalary sıfrlyq ózgeristerge baılanysty ekenin atap ótti. Májiliste Soltústik Qazaqstan oblysynda 590 aýyldyq eldimekender bolsa, sonyń 300-den artyǵy perspektıvaly dep esepteletindigi aıtyldy. Bularda aýyl halqynyń 82 paıyzy turady.
Memlekettiń qoldaýymen aýyldyq jerlerdiń ómir súrý jaǵdaıy jaqsarýda. Qazir aýyldarǵa jańa úıler, mektep, medısınalyq mekemeler men sporttyq nysandar salynýda. Agrarlyq keshenderde sıfrlanǵan ozyq tehnologııalar engizilýde.
Málik Otarbaev óziniń sózinde sıfrlandyrýdyń osy zamannyń ózekti talaby ekenin atap, Joldaýdyń tapsyrmalaryn sózsiz oryndaý eldiń damýyna kepildik beretinin atap ótti.
Soltústik Qazaqstan oblysy