Ál-Farabı atyndaǵy Qazaq ulttyq ýnıversıtetiniń ǵalymdary jasandy ıntellekt kómegimen jumys isteıtin júrek-qan tamyrlary aýrýynyń qaýpin erte anyqtaıtyn «Zhurek AI» platformasyn ázirledi.
Platforma adamnyń júrek-qan tamyrlary júıesindegi aýytqýlardy der kezinde anyqtap, qaýip deńgeıin avtomatty túrde baǵalaıdy. Ǵalymdardyń bul ázirlemesi medısına qyzmetkerleriniń jumysyn jeńildetedi.
Platformany qoldaný úshin PDF formatyndaǵy qan taldaýynyń nátıjesin júkteý qajet. Munymen qosa arnaıy saýalnamadan ótedi. Keıin júıe barlyq aqparatty jyldam óńdep, qaýiptiń bar-joǵyn anyqtap beredi. Al adam ómirine qaýip bolsa, naýqasqa birden dárigerge júginýdi usynady.
«Atalǵan jobanyń basty artyqshylyǵy – jyldamdyǵynda. Ekinshiden – dáldik. «Zhurek AI» myńdaǵan naqty medısınalyq derekke súıenip oqytylǵan, sondyqtan keıde dárigerler baıqamaı qalatyn jasyryn aýytqýlardy da kóre alady. Bul erte dıagnostıka úshin óte mańyzdy. Platforma jumysy kúrdeli algorıtmnen turady. Onyń ishinde tereń neırondyq jeliler (DNNs) jáne úlken marjaly oporlyq vektorlar ádisi (Large-margin SVMs) tur, olar dıagnostıkanyń jáne qaýipterdi jikteýdiń joǵary dáldigin qamtamasyz etedi», deıdi Jasandy ıntellekt jáne ınternet zattar zerthanasynyń ǵylymı qyzmetkeri Ásııa Baltabaeva.
Jobany Ǵylym jáne joǵary bilim mınıstrligi qarjylandyrǵan. Zertteýshi-ǵalymdar platforma jóninde ǵylymı jýrnaldarda maqala jarııalap, túrli konkýrsqa qatysqan.
Innovasııalyq platformany ázirleýde QazUÝ-dyń 15 ǵalymy birlesip jumys istedi. Bolashaqta mamandar platformany sátti iske qosyp, kommersııalandyrýdy josparlap otyr.
ALMATY