ASTANA. 19 aqpan. Qazaqstan boksshylary 2016 jyly Brazılııanyń Rıo-de-Janeıro qalasynda ótetin Olımpıadada eki altyn medal jeńip alýdy alǵa josparlaǵaly otyr. Bul týraly búgin Boks federasııasynyń fýnksıonerleri aıtqan sózge súıengen «Radıotochka» habarlady.
Dál qazirgi tańda Qazaqstan boksy sporttyń bul túri boıynsha álem reıtıngisinde birinshi satyda tur. Elimizdiń bylǵary qolǵap sheberleri halyqaralyq týrnırlerdiń barlyǵynda sátti óner kórsetip júr. Ondaı jarystardan jastar men jasóspirimderimiz de qurqol qaıtyp júrgen joq. Al áıelder arasyndaǵy álem chempıonatynda Nazgúl Qyzaıbaı óz qurbylary ishinen birinshi bolyp eń bıik tuǵyrǵa kóterildi.
Bıylǵy jyl – Olımpıada aldyndaǵy jyl. Jigitter Rıoda bolatyn boks týrnırine alǵashqy lısenzııalardy Katar astanasy – Doha qalasynda ótetin týrnırde jeńip alýǵa tıis. Al Búkilálemdik boks serııasynda 60 kıloǵa deıingi salmaqtaǵy Berik Ábdirahmanov qazirdiń ózinde osy joldamaǵa qol jetkizip úlgerdi. Bul dodada taǵy 3 boksshymyz ázirge sátti óner kórsetip keledi.
Tutastaı alǵanda, 2015 jyly Qazaqstan quramasynyń boksshylary 29 halyqaralyq týrnırge qatysyp, 13 oqý-jattyǵý jıynyn ótkizbekshi.
«Bizde álem chempıonatyna qatysatyndar arasynda lıderler bar. Biz olardan joǵary nátıje kútemiz», - dedi osy oraıda quramanyń bas jattyqtyrýshysy Myrzaǵalı Aıtjanov.
Damır Qojamqul.