Aqtaýda №1 shaǵyn aýdanyndaǵy onkologııalyq ortalyq pen aıaldama mańynan er adamnyń máıiti tabyldy, dep habarlaıdy Egemen.kz.
Kýágerlerdiń aıtýynsha, er adamnyń denesi onkoortalyqtyń janynda, aıaldama mańynda jatqan. Oqıǵa tańerteń bolǵan.
Jergilikti turǵyndar birden polısııa men jedel járdem qyzmetine habar bergen.
Mańǵystaý oblystyq polısııa departamenti marqumnyń kóshede kenetten qaıtys bolǵanyn habarlady.
«Er adam kóz jumdy. Ol beıimdeý ortalyǵynda turǵan. Qazirgi ýaqytta sot-medısınalyq saraptama taǵaıyndaldy, ólim sebebi anyqtalyp jatyr», – delingen PD habarlamasynda.
Tártip saqshylarynyń málimetinshe, atalǵan fakt boıynsha tergeý amaldary bastaldy.