Aqmola oblysynda izdeýde júrgen, sonyń ishinde aýyr qylmys jasaǵan azamattar anyqtaldy, dep habarlaıdy Egemen.kz.
15–16 qazan aralyǵynda Aqmola oblysynyń aýmaǵynda "Izdestirý" jedel-profılaktıkalyq is-sharasy ótkizildi. Onyń maqsaty – halyqaralyq jáne memleketaralyq izdeýde júrgen adamdardyń ornalasqan jerin anyqtaý, sondaı-aq habar-osharsyz ketken azamattardy tabý boldy.
- Is-shara barysynda Aqmola oblysynyń polıseıleri barlyǵy 18 adamdy anyqtady. Olardyń úsheýi habar-osharsyz ketkender qatarynan bolsa, qalǵandary – túrli qylmystyq isterdiń qatysýshylary. Anyqtalǵandardyń arasynda kisi óltirý, qaraqshylyq, esirtkiniń zańsyz aınalymy jáne urlyq sııaqty aýyr qylmystarǵa kúdiktiler bar, – delingen habarlamada.
Keıbir azamattardy kórshi memleketterdiń quqyq qorǵaý organdary izdegen jáne olardyń derekteri Interpoldyń halyqaralyq bazasynda tirkelgen.