Aqtaýda 18 qazan tańerteń qaıǵyly oqıǵa boldy. Jas qyz qyz 17-shaǵyn aýdanda ornalasqan Green Plaza turǵyn úı kesheniniń 18-qabatynan qulap tústi, dep habarlaıdy Egemen.kz.
Kýágerlerdiń aıtýynsha, qyz oqıǵa ornynda kóz jumǵan.
– Jumystan qaıtyp kele jatyp, aýlaǵa polısııa kólikteri jyldamdyqpen kirip kele jatqanyn kórdim. Ne bolǵanyn bilýge bardym. Alǵashynda eshteńe túsinbedim, biraq polısııa kóliginiń janynda qyzdyń denesin kórdim. Ol kireberistiń dál aldynda qulaǵan, – deıdi turǵyndardyń biri.
Oqıǵa týraly aqparat áleýmettik jelilerde tez tarady.
Quqyq qorǵaý organdarynyń habarlaýynsha, bolǵan jaıt boıynsha QR Qylmystyq kodeksiniń 105-baby — «О́zin-ózi óltirýge deıin jetkizý» boıynsha qylmystyq is qozǵaldy.
Qaıǵyly jaǵdaıdyń mán-jaıy men marqumnyń kim ekeni anyqtalyp jatyr.