Gaza sektorynda Izraıl áskerı áýe kúshteriniń soqqylary saldarynan sońǵy táýlikte 44 adam qaza tapqan, dep habarlaıdy Egemen.kz TASS agenttigine silteme jasap.
Palestınanyń densaýlyq saqtaý organdarynyń málimetinshe, eń kóp adam ólimi Nýseırat pen El-Breıdj bosqyndar lagerlerinde tirkelgen. Bul aımaqtarda 18 adam qaza taýyp, 50-den astam turǵyn jaralanǵan. Zardap shekkenderdiń barlyǵy «Al-Aýda» aýrýhanasyna jetkizilgen.
Izraıl qarýly kúshteri táýlik ishinde anklav aýmaǵyndaǵy shamamen 100 nysanaǵa áýe jáne artıllerııalyq soqqylar jasaǵan. Ásirese Han-Iýnıs pen Rafahtyń ońtústik aýdandary qatty zardap shekken. Izraıl tarapy muny HAMAS radıkaldy qozǵalysynyń bitim rejımin buzýymen baılanystyrǵan.
Mınıstrliktiń dereginshe, 10 qazanda kúshine engen atysty toqtatý kelisiminen beri Gazada 51 adam kóz jumyp, 150-den astamy jaralanǵan.
Aıta keteıik, Gazadaǵy bılik ókilderi Izraıl áskerin sońǵy segiz kúnde bitim rejımin 47 ret buzdy dep aıyptaǵan.