ASTANA. 19 aqpan. Qazaqstannyń Dúnıejúzilik saýda uıymyna kirý jónindegi kelissózderi sáýir-mamyr aılarynda tolyq aıaqtalady. Bul týraly egemen.kz habarlady.
Ulttyq ekonomıka mınıstri Erbolat Dosaevtyń aıtýynsha, búginde Dúnıejúzilik saýda uıymyna kirý prosesteri boıynsha kelissózder sońǵy kezeńge shyqqan. «О́tken jyldyń negizgi qorytyndysy Qazaqstannyń Uıymǵa kirýdegi basty kelissózshileriniń biri – Eýropalyq odaqpen ekijaqty kelissózderdi aıaqtaýy boldy. Biz kelisimge qol qoıdyq», – dedi mınıstr.
Sondaı-aq, ol AQSh-pen kelissózder boıynsha negizgi máselelerde ýaǵdalastyqqa qol jetkizilgenin tilge tıek etti. Qazirgi ýaqytta AQSh saýda ókilderimen fıtosanıtarııa talaptarymen baılanysty kelissózder qarqyndy júrgizilýde.
«Bizdiń josparymyz – sáýir-mamyr aılarynda sáıkesinshe kelissózderdi tolyǵymen aıaqtaý», – degen E.Dosaev atalǵan normalar boıynsha Almatyda Eýropalyq odaqpen qosymsha kelisimder júrgiziletinin atap ótti.
Joldybaı Bazar.
Derek: egemen.kz.
Sýret: matritca.kz.