Almaty qalasynda Qorǵanys mınıstrligi Sport komıteti – Armııa ortalyq sport klýbynda áskerı ant berý saltanatty rásimi ótti. Ant bergen áskerı qyzmetshiler qatarynda belgili sportshylar da bar, dep jazady Egemen.kz.
Bıyl naýryzda Serbııanyń Nısh qalasynda jáne qyrkúıek aıynda Lıverpýlde (Ulybrıtanııa) top jaryp, bokstan eki dúrkin álem chempıony atanǵan Alýa Balqybekova áskerı ant berdi.
«Pogon taǵyp, Qarýly kúshter qatarynda qyzmet etý – men úshin úlken mártebe. Armııa ortalyq sport klýbynda qyzmet etý sportta damýǵa jáne Qazaqstandy bedeldi halyqaralyq týrnırlerde tanytýyma múmkindik berdi», dedi A.Balqybekova.
Qazaq kúresinen Azııa dodasynyń júldegeri, respýblıkalyq chempıonattardyń eki dúrkin jeńimpazy jáne V Dúnıejúzilik kóshpeliler oıyndarynyń jeńimpazy Baqyt Qusaqbaeva da sol kúni áskerı ant qabyldady.
A.Balqybekova men B.Qusaqbaevaǵa qatardaǵy jaýynger áskerı ataǵy berildi.
QR Qorǵanys mınıstrligi sporttyń damýyna jan-jaqty qoldaý kórsetip keledi.