Qazaqstanda aýyz sý tarıfin retteý júıesine ózgeris engizildi. Endi aımaqtyq máslıhattar turǵyndar úshin bir tekshe metr aýyz sýdyń baǵasyn óz betinshe bekite alady. Bul týraly Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov málimdedi, dep jazady Egemen.kz.
Onyń aıtýynsha, jergilikti atqarýshy organdar tarıf mólsherin anyqtaý kezinde óńirdiń áleýmettik-ekonomıkalyq damý deńgeıin jáne qoldanystaǵy sýmen jabdyqtaý qyzmetteriniń baǵasyn eskerýge tıis.
«Qazir ákimdikter halyq úshin naqty tólem kólemin aıqyndaý jumystaryn júrgizip jatyr. Sonymen qatar, sýbsıdııalaý qaǵıdalaryna sáıkes, turǵyndar aýyzsý qyzmeti úshin bekitilgen tarıf boıynsha tóleıdi», dedi ol.
Sonymen qatar komıtet basshysy sýdy tutyný normasyn saqtaý mańyzdylyǵyn atap ótti. Belgilengen normatıv — bir adamǵa táýligine 140 lıtr. Eger tutyný osy mejeden assa, artyq kólem úshin tólem mólsheri 30 paıyzǵa joǵary belgilenedi.