«Almaty Open» týrnıri aıaqtaldy

Jyl sanap bedeli artyp kele jat­qan týrnırge bıyl K.Hacha­nov, D.Medvedev, Iа.Shtrýff, M.Makdonald, K.Mýte, F.Kobol­lı, B.Na­ka­shıma, H.Medjedovıch, F.Ma­rojan, L.Nardı syndy tanymal tennısshiler qatysty.

Bir apta boıy almatylyq­tardyń kózqýanyshyna aınalǵan tartysty týrnırdiń fınalynda reseılik Danııl Medvedev fransýz Korenten Mýteni 7:5, 4:6, 6:3 esebimen jeńdi. Qarsylastar kortta 2 saǵat 36 mınýt ótkizdi. D.Medvedev kezdesý barysynda segiz ret eıs jasap, bes qosar qate jiberip, múmkin bolǵan toǵyz breık-poınttyń tórteýin iske asyra aldy.

Bir «Úlken dýlyǵa» týrnıri­niń jeńimpazy (AQSh-tyń 2021 jylǵy ashyq chempıona­ty), jeke razrıadtaǵy bes «Úl­ken dý­lyǵanyń» fınalısi (2019, 2023 jyldarǵy AQSh chempıonaty, 2021, 2022, 2024 jyldarǵy Aýstralııa ashyq chem­­pıonaty), 2020 jylǵy ATP qo­rytyndy týrnıriniń jeńim­pazy, 2021 jylǵy ATP qorytyndy týrnı­riniń fı­nalısi, dańqty Danııl Med­vedev 2023 jyldyń mamyrynda Rım qalasyndaǵy týrnırde jeńiske jetkeli beri alty ret fınalda oınasa da, tek jeńilistiń ashy dámin tatyp kelgen edi. Almatyda sol serııany toqtatyp, jeńimpaz atandy.

Aıta keterligi, týrnırdiń byl­tyrǵy jeńimpazy, reseılik K.Hachanov birinshi oıynynda-aq jeńilip qaldy. Sondaı-aq ókinishke qaraı, jerlesterimiz de bul týrnırde sátsiz óner kór­setti. B.Juqaev, A.Omarhanov, T.Skatovtar alǵashqy oıyndarynda jeńilis tapsa, A.Shev­chenko ekinshi aınalymnan asa almady.