Dúnıejúzilik bank pen Halyqaralyq valıýta qorynyń jyl saıynǵy sessııalaryna qatysý sheńberinde vıse-premer – Ulttyq ekonomıka mınıstri Serik Jumanǵarın bastaǵan elimizdiń delegasııasy Nıý-Iork qor bırjasyna (New York Stock Exchange, NYSE) bardy.
Bırjanyń qyzmeti men negizgi baǵyty týraly NYSE strategııalyq operasııalar jáne korporatıvtik qatynastar departamentiniń basshysy Ýıll Gýdvın aıtyp berdi.
NYSE ókilderi Qazaqstan Respýblıkasynyń memlekettik baǵaly qaǵazdaryn ornalastyrý múmkindigine, sondaı-aq memlekettiń qatysýymen iri ulttyq kompanııalardyń bırjaǵa shyǵý keleshegine baılanysty barlyq suraqqa egjeı-tegjeıli jaýap berip, saýda-sattyqty uıymdastyrý jáne emıtenttermen ózara árekettesý salasyndaǵy tájirıbesimen bólisti.
Sapar sońynda delegasııa saýda zalynyń jumysymen jáne bırjanyń jumys isteý tetigimen tanysty.