21 qazan kúni Chempıondar lıgasynyń jalpy kezeńindegi úshinshi týr aıasynda Almatynyń ortalyq stadıonynda qazaqstandyq «Qaırat» pen kıprlik «Pafos» komandalary kezdesedi. Oıyn saǵat 21:45-te bastalyp, tikeleı efırde «Qazaqstan» telearnasynan kórsetiledi, dep habarlaıdy Egemen.kz.
Alǵashqy týrda «Qaırat» syrt alańda portýgalııalyq «Sportıngten» 1:4 esebimen jeńilip, ekinshi oıynda madrıdtik «Realǵa» 0:5 esebimen jol berdi. Al «Pafos» alǵashqy týrda grektiń «Olımpıakosymen» 0:0 esebimen teń túsip, keıin óz alańynda mıýnhendik «Bavarııadan» 1:5 esebimen utylǵan edi.
Kelesi kezeńderde almatylyq klýbty Italııanyń «Interi», Danııanyń «Kopengageni», Gresııanyń «Olımpıakosy», Belgııanyń «Brıýggesi» jáne Anglııanyń «Arsenaly» syndy ataqty komandalarmen kezdesýler kútip tur.
Aıta ketsek, Chempıondar lıgasynyń bıylǵy maýsymynda 36 komanda baq synap jatyr. Týrnır 16 qyrkúıekte bastalyp, sońǵy segizinshi týr 2026 jyldyń 28 qańtarynda ótedi. Pleı-off kezeńi 16–18 aqpan aralyǵynda bastalyp, fınaldyq oıyn 30 mamyrda uıymdastyrylady.