Prezıdent Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda berilgen tapsyrmalar aıasynda elimizdiń densaýlyq saqtaý júıesi keshendi jańǵyrtýdan ótip jatyr, dep habarlaıdy Egemen.kz Úkimettiń baspasóz qyzmetine silteme jasap.
Bul baǵyttaǵy jumystar medısınalyq qyzmet sapasyn arttyrýǵa, ınfraqurylymdy kúsheıtýge, mamandardyń áleýetin kóterýge jáne sıfrlyq tehnologııalardy keńinen engizýge baǵyttalǵan.
Júrgizilip jatqan sharalar naqty nátıjesin berip otyr. Atap aıtsaq, bıylǵy jyldyń 1 qazanyna deıin halyq densaýlyǵynyń negizgi kórsetkishteri aıtarlyqtaı jaqsarǵan. Jalpy ólim-jitim deńgeıi 2,7%-ǵa tómendese, sábı ólimi ótken jyldyń osy kezeńimen salystyrǵanda 20,2%-ǵa azaıǵan.